زجل كتب سنة 1972عندما وجدت صورة مكبره للمرحومة شقيقتي (أ / وجيده على منصور) ... موجودة بمنزل خالتي بالإسكندرية بعد أربع سنوات من وفاتها :
حاقولك إيه ولا إيه ياصاحبة الصورة ، |
صورتك ماهيش ع الورق دى ف قلبي محفورة |
قدام عينيه تملى ، وف بالى منشوره |
يامَلاك كان بينا ، فاتنا لأحزاننا ، وأضحي أسطورة |
............................................................. |
نظرت للصورة .. وفارت الذكريات ، |
حسيت بجوع للدموع ولبت العبرات |
حراقه تكوى ، وسابت أخاديدها على خدودي |
وقلبي ضخ في عروقي حزنه على اللي مات |
............................................................. |
مانساشى يوم الرحيل ، وازاى وارينا التراب |
مَلكْ الحنان الجميل ، وشربنا كاس العذاب |
آه يافراق ويا ويل .. ( وجيدة ) زينة الشباب |
راحــــــــلة ومن غــــــــــير إياب |
............................................................. |
مانساشى بسمه كات في الدنيا بتنور |
مانساشى نسمه اختفت .. ومهما حاندَوّر |
مالكيشى أبداً مثيل ، ومافيشى بعدك بديل |
وازاى صبرت السنين ، مش قادر أتصور |
............................................................. |
نجوى المحبة فين ؟ .. ياحب دنيايا |
بعدك أنا أحكى لمين ، ومين يخفف آسايا |
، والله بعدك حزين .. هايم في دنياكى |
باقي لصوتك رنين .. وأنا ودنـــى ويايا |
............................................................ |
الناس بتتناسى ، وأنتِ فراقك تقيل |
والدنيا وناسه ، بس إيه يونس عليل ! |
مُسبب الأسباب .. أمر .. قمرنا غاب |
ياللى كنتِ غالية عندي .. مستحيل |
مستحيل أنساكِ أبداً مستحيل أخوكِ / عبدالله على منصور |
ليست هناك تعليقات:
إرسال تعليق