أنا أقدر أنسى - زجل للدكتور عبدالله منصور ( شباس عمير )

أخلصت لك كتير

إخلاص مايتوصفشى

وحبي لك كبير

طاغي مايتقدرشى

في قلبي رصفت لك

سكة عليها تمشى

وبجفني نصبت لك

دكه في ضل رمشي

السكة لقلبي سهله

وطريقها مايتوهشى

حبيتك .. واديت مهله

ليه أنت مابتسألشى

ليه أنت عندي غالى

وأنت مابتعدلشى

طيفك علطول ببالي

وطيفي مابيزوركشى!

الحب عندك تسالي ؟

لو حبي مايلزمكشى

قوللى .. وأنا اللي حابعد

وحياة  (سيدي الشبكشى )

،حادوس على قلبي وأنسى

ولو انى جايز ماأقدرشى !

ويجوز من كتر حبي

أضحى وماأزعجكشى .