زجل حلمنتيشى على لسان بنت البلد
: أتأدبوا يا جدعان |
عيب بلاش شقاوة |
، عاملين زى الدبان |
.. يتلم ع الحلاوة |
هش هش هش |
ابعد بدل مانش |
صحيح أنا بنت حلوه |
لكن مؤدبه |
ومخطوبه لسى علوه |
يعنى متعلبه |
فهش هش هش |
أحسن ازعل ونش |
لابسه شبشب بكعب |
والمطوه في شنطيتى |
، ابعد .. أنا غضبى صعب |
ماتقفش في سكتي |
وهش ياعم هش |
أحسن تدشش دش |
هي الرجالة هبله |
ولا أنا عاقله قوى |
هما فاكريني عبلة |
ابعد ياد وانزوى |
وهش هش هش |
لبشبشب تتنش !. |
ليست هناك تعليقات:
إرسال تعليق