ورد الجناين - زجل للدكتور عبدالله منصور ( شباس عمير )

ياورد الجناين

باترجاك تجود

خلى جمالك باين

أشوفه عود بعود

واختار منه لحبيبي

أحلى بوكيه ورود

الورد مرسال غرام

ألوانه بتقول كلام

كلام كله فصاحه

معناه بيوصل قوام

الأحمر .. حبك نار ،

أصفر .. غيور مغوار

وبنفسجي ..  رومانسي ،

وابيض .. يعنى استقرار

الروز .. يقول سماح ،

بوستاج .. يعنى ارتياح

والصحبة على بعضها

للبهجة والأفراح

لما شذى الورد يبوح ..

بالأسرار وعبيره يفوح

محمول على جناح النسيم

( رسالة في غاية الوضوح )

... بحبك ياحبيب الروح