دع الهموم وأذكر الله - زجل للدكتور عبدالله منصور ( شباس عمير )

ياللى شايل على كتافك هموم بالكوم

وم الزعل والحزن .. جافى عنيك النوم

.. لما تضيق بيك قوى .. يبقى الفرج قرّب

، وكل ليل مهما طال .. أخره .. بداية يوم

............................................

الدنيا فيها السعيد ، والقعيد ، وفيه مظلوم

وفيها ظالم ، واللي واخد حقه ، والمحروم

وفيها فاشل ، وناجح ، ومقيم ومتغرّب

وفيه سقيم ، وسليم ، ومتكرم وفيها ملوم !

.............................................

أحمد بقى ربك على فضله .. وصلى وصوم

وأفضى لعملك ، ولعبادته .. ودا اللي يدوم

دا لو تاريخ الوفاة كان معلوم ويتسرّب ..

لكنت تطلق الدنيا .. وتستنى القيامة تقوم .